® speedUPteam
عزيزي الزائر / عزيزتي الزائرة يرجي التكرم بتسجبل الدخول اذا كنت عضوا معنا

او التسجيل ان لم تكن عضوا وترغب في الانضمام الي اسرة المنتدى

وسنتشرف بتسجيلك معنا

وشكرا

ادارة speedUPteam



 
الرئيسيةالبدايةس .و .جبحـثالأعضاءالمجموعاتالتسجيلدخول

شاطر | 
 

 تزويد مازدا 6 (1) .. التعديلات الاساسية ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
BMW 320I
عضو مستمر
عضو مستمر
avatar

ذكر

نقاط : 62

مُساهمةموضوع: تزويد مازدا 6 (1) .. التعديلات الاساسية ..   الأربعاء مارس 10, 2010 11:03 pm

طبعاً اليوم نبدأ سلسلتنا في تزويد المازدا 6 .. وراح نبدأ من الزيرو وراح اكون متواجد معاكم .. و شعارنا .. نحو 200 حصان على الويل ..



التعديل الاول : تفريغ الكهرباء إلى الثروتل بدي (Throttle Body Ground) ..

الزمن المستغرق في التعديل : 10 دقائق إلى ربع ساعة
النتيجة : تعاشيق القير بتكون خفيفة و استجابة سريعة لدعسة البنزين ..
التكلفة : 10 - 20 ريال ..
تجربتي : في البداية انا معي مازدا 3 .. وسويت عليها هذا التعديل و حسبيت بفرق .. وهذا الفرق تحسه به كثيراً في القير الاوتو .. و ايضاً في القير عادي بشكل خفيف .. ولكن يفيد .. :smilie5: لا احد فيكم يتهاون فيه وما يسويه .. :smilie5:

كيف نسوي هل التعديل ..

في البداية بنحتاج هذي الشغلات :

[ندعوك للتسجيل في المنتدى أو التعريف بنفسك لمعاينة هذه الصورة]

روح محل ادوات كهربائية وخذ لك واير كهرباء رقمه 8 .. وخذ لك connector موصلات ( خذ لك 3 موصلات بتحتاج 2 وواحد احتياط).. و تشوفه في هذي الصورة .. بتشوف الواير و الموصل جنبه ..

[ندعوك للتسجيل في المنتدى أو التعريف بنفسك لمعاينة هذه الصورة]

نوصل الموصل مع الواير و نكبس عليه ..

[ندعوك للتسجيل في المنتدى أو التعريف بنفسك لمعاينة هذه الصورة]

ونوصله للثروتل بدي .. ( الثروتل بدي هو الجزء الفضي المائل للبيض في الصورة ) ..

[ندعوك للتسجيل في المنتدى أو التعريف بنفسك لمعاينة هذه الصورة]

طبعاً فيه اكثر من بلط موجود على الثروتل بدي .. اشبكة في واحد فيهم .. مو مهم اي واحد ..


الآن نجي للطرف الثاني من الواير .. ونشبك فيه موصل ونكبس عليه .. ونشبكه مع القطب السالب في البطارية .. شوف الصورة ..

[ندعوك للتسجيل في المنتدى أو التعريف بنفسك لمعاينة هذه الصورة]

وهنا خلصنا هذ التعديل ..


ملاحظة : خلي الواير بمقاس مناسب عشان تقدر تخبيه تحت وما يبين ويخرب لك شكل المكينة ..



التعديل الثاني : تغير الفلتر الهواء الموجود في العلبة

الزمن المستغرق في التعديل : دقيقتين - 5 دقائق
النتيجة : عزم وصوت حلو بيكون موجود عندك ( يمكن يعطيك 2 hp )
التكلفة : 100 - 120 ريال ..

اذهب لمحلات التزويد في مدينتك واطلع منه فلتر K&N أو AEM ( افضل النوعيات ) .. ويكون على شكل مربع ويوضع مكان فلتر الهواء حق الوكالة .. ووضيفته يخلي هواء اكثر يدخل للمكينة ..

يعني اللي راح تسويه تاخذ الفلتر المربع الرياضي .. و تحطه مكان الفلتر حق الوكالة وخلاص ..

[ندعوك للتسجيل في المنتدى أو التعريف بنفسك لمعاينة هذه الصورة]



التعديل الثالث : شورت شفتر حق القير العادي

الزمن المستغرق في التعديل : ما ارجح انك انت تشتغل فيه وديه لورشة افضل بس اذا حبيت تشتغل فيه بتاخذ نص ساعة - ساعة
النتيجة : نسبة تعاشيق رائعة .. خفة في التعشيق فرق حلو
التكلفة : 800 - 1000 ريال

طبعاً هذا الشورت شفتر ما راح تلاقيه هنا موجود ومتوفر للمازدا 6 .. تقدر تطلبه من الانترنت ..
وفي مجلة عملت احصائية لأحسن شفتر ..

1. TWM .. [ندعوك للتسجيل في المنتدى أو التعريف بنفسك لمعاينة هذا الرابط]
وكان يقلل تضيع العزم بنسبة 40 بالمية ..

2. ARK .. [ندعوك للتسجيل في المنتدى أو التعريف بنفسك لمعاينة هذا الرابط]
ويقلل بنسبة 35 بالمية

3. Mazdaspeed
ويقلل 20 بالمية


TWM شركة حلوة وانصح بها كثيراً ..


[ندعوك للتسجيل في المنتدى أو التعريف بنفسك لمعاينة هذه الصورة]


التعديل الرابع : تعديل نظام الاحتراق لمكينة المازدا 6 ..

الزمن المستغرق في التعديل : 10 - 15 دقيقة
النتيجة : حسب بعض اللي جربوا عطاهم 4 حصان على الكفر و زاد التورك 5 ..
التكلفة : ولا ريال :smilie5: ( كثر من هل التعديل )

في البداية يا شباب .. جميعكم يا اصحاب المازدا ( 3 و 6 ) .. تعانوا من شئ وهي ان السيارة مافيها عزم تحت ضغط 3 ( low rpms ) .. وبعد ضغط 3 تحس السيارة تنط .. هذا الشي هو نظام احتراق السيارة واسمه Advanced Timing Ignition ..

طبعاً هذا النظام له سنسر لما تفكه تكون السيارة من البداية فاتحة ..
طبعاً راح تعطيك من 3 حصان إلى 4 على الويل .. و التورك من 4 إلى 5 .. طبعاً تعديل مو بطال بالنسبة لشئ مجاني ..

عشان تسوي هذا التعديل تابعني ..

1. لف الدركسون لأقصى اليمين .. وروح للكفر حق الراكب ( اليمين ) وبتشوف

[ندعوك للتسجيل في المنتدى أو التعريف بنفسك لمعاينة هذه الصورة]
افتح البلاستك ذا بالسكروب ..

2. بتشوف هذا قدامك ( طبعاً هذي المكينة حق مازدا 3 .. ولكن المازدا 6 بيكون موقع السنسر في نفس المكان ) ..
[ندعوك للتسجيل في المنتدى أو التعريف بنفسك لمعاينة هذه الصورة]


3. نجيب 8mm رينج ونفتح البط الموجود في الصورة ..
[ندعوك للتسجيل في المنتدى أو التعريف بنفسك لمعاينة هذه الصورة]

خلص تعديلنا ..

ملاحظة مهمة : السيارة بتصير تصرف بنزين بشكل مو طبيعي .. :smilie5: انا مالي دخل اذا قعدت على الحديدة طول الشهر :smilie5:

ولكن تقدر تفكه عشان تقاوم به مره مرتين وترجعه .. مافي مشكلة ..
الرجوع الى أعلى الصفحة اذهب الى الأسفل
عداوي
عضو متميز
عضو متميز
avatar

ذكر

نقاط : 145

مُساهمةموضوع: رد: تزويد مازدا 6 (1) .. التعديلات الاساسية ..   الخميس مارس 11, 2010 4:59 pm


يعطيك العافيه

وبإنتظار جديدك اخوي

موفق دوم

لك ودي
الرجوع الى أعلى الصفحة اذهب الى الأسفل
drifting man
مشرف الاقسام العامة
مشرف الاقسام العامة
avatar

ذكر

نقاط : 520

مُساهمةموضوع: رد: تزويد مازدا 6 (1) .. التعديلات الاساسية ..   الخميس مارس 11, 2010 5:01 pm



تسلم اخوي والله يعطيك الف عافية

التوقيـــــع :
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
الكابتن ناصر
عضو VIP
عضو VIP
avatar

ذكر

نقاط : 178

مُساهمةموضوع: رد: تزويد مازدا 6 (1) .. التعديلات الاساسية ..   الأربعاء يونيو 23, 2010 9:06 am

مشكور خوي هاي تعديلات مال المازدا وايد حلوة صح انها سريعة بس متوقع نها بتعطي فرق وايد مختلف وواظح
الرجوع الى أعلى الصفحة اذهب الى الأسفل
بو خالد77
عضو جديد
عضو جديد
avatar

نقاط : 2

مُساهمةموضوع: رد: تزويد مازدا 6 (1) .. التعديلات الاساسية ..   الخميس نوفمبر 25, 2010 3:22 pm

يعطيك العافيه يالغالي

التعديل الاول ماطلعت عندي الصور..اذا يمديك تنزلها مره ثانيه اكون شاكر لك لاني ودي اسويه
الرجوع الى أعلى الصفحة اذهب الى الأسفل
zoom6zoom
عضو جديد
عضو جديد
avatar

نقاط : 1

مُساهمةموضوع: رد: تزويد مازدا 6 (1) .. التعديلات الاساسية ..   الإثنين أكتوبر 10, 2011 10:28 am

مافي صور في التعديل الاول
الرجوع الى أعلى الصفحة اذهب الى الأسفل
alsaleh90
عضو جديد
عضو جديد
avatar

نقاط : 1

مُساهمةموضوع: رد: تزويد مازدا 6 (1) .. التعديلات الاساسية ..   الأربعاء يناير 01, 2014 1:37 pm

اخوي اشرحلي اول حركة ما فهمتها
الرجوع الى أعلى الصفحة اذهب الى الأسفل
zero x
المدير العام
المدير العام
avatar

ذكر

نقاط : 1184

مُساهمةموضوع: رد: تزويد مازدا 6 (1) .. التعديلات الاساسية ..   الثلاثاء فبراير 18, 2014 7:33 pm

اتوقع الصور انتهت مدتها في السيرفر

التوقيـــــع :
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]


الرجوع الى أعلى الصفحة اذهب الى الأسفل
 
تزويد مازدا 6 (1) .. التعديلات الاساسية ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
® speedUPteam  :: قسم الترهيم ( التلغيم ) & التعديل ( القطب ) :: الترهيم ( التلغيم ) & التعديل ( القطب ) :: التلغيم والترهيم والجديد فيه-
انتقل الى: